منتديات تحشيش

تحشيش تحشيش عراقي صور تحشيش ابراج اليوم وظائف وتعيينات خلفيات فيسبوك قفشات شعريه نتائج البكلوريا صور منوعة

  منتديات تحشيش » الأقسام العامة , قسم المواضيع العام » الركن الثقافي , الشعر العراقي والعربي
 الاســـــم » 
 الباسورد » 
{{ عزيزنا الزائر نرحب بك في منتديات تحشيش (( اضغط هنـــا )) اذا كنت تريد التسجيل والتخلص من الاعلانات }}


[ عدد مشاهدات الموضوع 623 وعدد الردود 2 ]
  ( المشاركة رقم #1 )
تاريخ المشاركة
 ≡ انا ( عراقية وافتخر ) اني ( انثى ) من ( العراق )
 ≡ تاريخ انظمامي هو ( Oct 2012 )
 ≡ وترتيبي في الموقع هو ( 966 ) لدي ( 2,055 ) مشاركة بمعدل ( 2.86 ) باليوم

ومضات حزينه

لا مو زين
اَضحك بالجذب ودموعي عَالخَدين
جَنت صياد بالبر وِانصَدت بعدين
لا موزين
خذوا حقي وبلوني ابكل صلافة عين!
هجم بيهم الذيب وصاحوا امحشمين
فزعت الهم واجتني بالظهر سجين
لا مو زين
أنه عشت ابزمن ما يلحك الماشين
نتنفس صدك بس جَنه متبنجين!
لا مو زين
مقياس البشر مجنون جي قاس الذهب بالطين
وِمساوي الصبغ بالدم!لان يجمعهن التلوين!
لا مو زين
إذا وكت الضهر ننباك
من حقه الحرامي ايعيش عالميتين!
ومن حقها العداله اتموت
لو حاكمنا حكمه ايصير عالتخمين!
لا مو زين
وي طرت الفجر غباش صار اسنين
اَدور بلكَي ضلت ريحة اموافين!
لا مو زين
شفت الغيرة حارت تتجه لاوين!
مثل زينب ابيوم انكَطعن الجفين
وياحيرة الغيرة ابناس مدري امنين!
كل همها الربح ومبرمجه ابوجهين!
لا مو زين
وشفت وحشي تشوفه ابهيئة الانسان!
بس ايبيع كلشي لو عله التثمين
ايده بأيدك ويضحكلك اَبكَل حين
مستنضر يِعلسك للي يدفع زين!
لا مو زين
شفت الغيبه طبت نص الِدواووين
بدت قبل التتن وِبفَر الِفناجيين!

لا مو زين
سمعت الدين يصرخ وين أهل الدين
وأنه اوياهم تركناه ينتظر بعدين
لا مو زين
الحق واحد يدَوخ لو يصير اثنين
ويل تسألني اسألك هالقساوة امنين!
باطباع البشر والرحمة راحت وين!
شجاهه الناس وشيمليها هاي العين!
لا موزين
الكَلب من يختلف ويه الشرايين
تصير الجثه كلها امصاحبه البين
لا مو زين
وإذا شفت الورد طاح اِمن الاغصان
ذنب الناس مو ذنب البساتين!
وإذا تقرأ الجذب تارس الحيطان
لوم الكَتَب لتلوم الحياطين
العصافير البجن أذني يفلان
خلني احسد اعقول المجانين!
لا مو زين من انشوف دفان
يدعي ابكل قذيفه اتموت ميتين!
لا مو زين
وابد مو زين من انشوف شُبان
غطاهم الشيب ابعمر عشرين!
لاموزين لا موزين لا موزين


من روائع الشاعر حسين الساعدي
اتمنى الانتقاء ينال اعجابكم


مشتاقه لحبيبي يا ناس يا عالم:17-001:

المصدر : منتديات تحشيش - من الركن الثقافي , الشعر العراقي والعربي


(( شاركنا رأيك عبر تعليقات الفيس بوك او زر كوكل [
] شكرا على رأيك ))
  ( المشاركة رقم #2 )
تاريخ المشاركة
 ≡ انا ( عمار الاسباني ) اني ( ذكر ) من ( العراق )
 ≡ عمري ( 19 سنة ) تاريخ انظمامي هو ( Feb 2013 )
 ≡ وترتيبي في الموقع هو ( 2073 ) لدي ( 3,561 ) مشاركة بمعدل ( 5.99 ) باليوم

رد: ومضات حزينه

الله الله
  ( المشاركة رقم #3 )
تاريخ المشاركة
 ≡ انا ( ريتاج ) اني ( انثى ) من ( العراق )
 ≡ عمري ( 21 سنة ) تاريخ انظمامي هو ( Jan 2013 )
 ≡ وترتيبي في الموقع هو ( 1880 ) لدي ( 3,583 ) مشاركة بمعدل ( 5.81 ) باليوم

رد: ومضات حزينه

عاشت ايدك
أدوات الموضوع

Content Relevant URLs by vBSEO ©2011, Crawlability, Inc.
Powered by vBulletin® Version 3.8.8 Beta 1 Copyright ©2000 - 2014, vBulletin Solutions, Inc